№29 мектепке дейінгі гимназия балабақшасы
Хабарландыру
Қосқан zhubanish   
15.03.16 07:34

15.03.2016г. Хабарландыру

№29 мектепке дейінгі гимназия балабақшасы МКҚК. Азық-түлікті тасымалдау бойынша

ҚР Білім және Ғылым Министрлігінің №717 бұрығына сәйкес ЖШС "Privat Aktau"

мекемесі №08/29  19 ақпанда Келісім шарт жасасты

 
«8 наурыз мерекесі»
Қосқан Автор   
15.03.16 07:22

«8 наурыз мерекесі»

(даярлық топтарында)

Кіру: екі топқа бөлініп ер балалар кіреді

 

Ер балалар жағынан мерекелік құттықтауды қабыл алыңыздар

1 бала: Қараңыздар, әдемі балаларды

Құттықтауға жиналған аналарды

Зор денсаулық, тілейік аялайық

Ақ сүт беріп өсірген аналарды

Ғажайып бұл күнді ұмытпайық

Әжелер, аналарды құттықтайық

Әлемге қуанышпен жар салайық

Көңілді мерекеде ән салайық.

2 бала: Той-тойлап даламенен  қалаларым!

Мерекең құтты болсын аналарым

Қаракөз қыз абзал ана мерекесін

Құттықтауға келе жатыр баларың

3 бала:Құшағына кіргенде

Жылынамын бір демде

Не жетеді көзіңе

Мейірімді күннінде

Үн қатасың бал тілмен

Еркелеймін әр күнмен

Құттықтаймын анашым

8-ші наурызбен

4 бала:Жүзімізге қараңыз

Бал күлкілі баламыз

Бізге қымбат күншуақ

Бізге қымбат анасың

5 бала: Сыйлаймын мен әнімді

Сізге арнап жаттаған

Мерекеңіз бүгінгі

Құтты болсын ақ мамам.

1бала: Алло! Полиция? Бізде 6-7 жастағы қыздар жоғалды, аттары Әмина,

Алуа, Рауза, Арзу. Жақсы күтеміз

2 бала: Алло! Дүкен. Сізге 5 ші топтың қыздары келген жоқ па?

3 бала: Алло! Сұлулық салоны.  Сізде балабақшаның қыздары болды ма?

Қайда кеткенін білнсіз бе?

4 бала: Қыздар сәнденіп жатыр.

(Қыздар кіреді)

5 бала: Біздің қыздар қандай тамаша!, әрі сәнді әрі әдемі.

Қыздар: Көйлегімізге қараңдар!

Ұнайды ма айтыңдар

Шашымызды сәндетіп

Шаштаразға істеттік.

Қыздар: Бұл неқылған  мереке? Қонақтар бізге келе ме?

Ұлдар: Иә

Қыздар: Бастықтар ма келетін?

Ұлдар: Жоооқ.

Қыздар: Әкім бе келетін?

Ұлдар: Жоооқ.

Ұлдар: Босқа әуре болмаңдар.

Келді міне қонақтар.

Ең құрметті тұлғалар

Барлығы: Сәлеметсіздер ме? Аналар!

Ән: «Здраствуйте, мама»

1 бала: Анам менің өмірдегі тірегім

Анам менің кеудемдегі жүрегім

Егер менің қасымда сен болмасаң

Бұл өмірде қалай ғана жүремін

2 бала: Жанымызды жайнатқан

Сіздерсіз ғой аналар

Зор денсаулық, мол бақыт

Тілейміз біз балалар

3бала: Бәрімізге анасың,

Біз үшін көп жанасың.

Құтты болсын мейрамың,

Құттықтаймын мамашым.

Сегізінші Наурыз келді,

Шаттық сезім алып келді.

Қуанышты күн енді,

Құттықтаймын анашым!


Ән: «Көктем келді»


1 жүр: Тыңдаңыздар, қараңыздар!

Аналарды құрметтеп,

Сіздергі арналған ертеңгілігімізді бастаймыз.

2 жүр: Бұл мерекелік ертеңгілікті өткізетін біздер: Нұрлан, Тайр және мен Райымбек.

3 жүр: Аналарды сүйеміз,

Ақылын оны түйеміз.

Әжені де ардақтап,

Әдеппен бас иеміз.

1 жүр: Аялаймыз ананы,

Құрметтейміз бағамыз.

Сіздер үшін аналар,

Шырқап әнге саламыз.

Ән: «Анашым»

Адина: Мама, мама что за тайна,

В этом бесконечном слове!

Я люблю тебя как прежде,

Ты нужно мне больше всех!

Ни за что не променяю

Эти добрые глаза

Эту нужную улыбку

А катящуюся вниз

Чуть заметную слезинку

Ты не прячь и  улыбнись.

: Маму очень я люблю,

Ей привет горячий шлю,

Но не только ей одной,

Шлю и бабушке родной.

Хорошо нам вместе с мамой

Жить под небом голубым.

Никого не бойтесь, мамы,

Мы вас, мамы, защитим!

1 жүр: Көтеру үшін көңілді, шетелдік би билейік.

2 жүр: Керек емес шет елдік, халық биін билейміз.

3 жүр: Әсем әрі көңілді, қазақ биін билейміз.

Би: « Қазақ би »

1 жүр: Нөміріміз жақсы шықты

2 жүр: Мен оған таңқалмаймын

3 жүр: Әкелерге қарасам,

Отыр екен қозғалмай

Кәне әкелер шығыңдар

Тезірек балық аулаңдар.

Ойын: «Балықшы»

1 жүр: Нөмірдің бізде түрі бар

Керегі енді жарнама

2 жүр: Ұнатады аналар!

Теле радио жарнамасы.

3 жүр: Ұнатса аналарымыз,

Сыйлайық жарнаманы біз.

«Сән көрмесі» көрсету

(Қыз орындықта кітап оқып отыр, өз анасы айна алдында

боянып жатыр, сөмкесін алады да қызына былай дейді)

Анасы: -Қымбатты Балапаным! Мен жұмысқа кеттім.

Мен жоқта ақылды бол.  Үйді шашпа.

Қызы: - Алло! Сәлем! Тыңда Мадина

Әдемі көйлегіңнің бірін ал да маған кел.

Көрме болар қызықты не?

Мен мында жалғызбын.

Қаласаң ініңді ерте кел.

Достарыңды ұмытпа

Күтемін сәнді киіммен. Пока.

Қызы: Анамның киіп көйлегін

Аяқта биік туфли

Көріп менің сәнімді

Қызықсын маған достарым.

Әжелеріміз біздің ертеде

Қалай киініп жүр екен?

Аналарымыз жасында

Киінді екен қалайша?

Елестетіп көрейік

Сән үлгісі жаңаша.

Ал енді біздің достарымыз сән алаңында

«Сән көрмесі»

1 бала: Үлкен фирма иесімін,

Қараңдаршы маған бір.

Іскер жігіт мен бүгін

Қымбат костюм кигенмін.

(тел соғады)

Алло! Мен сән көрмесіндемін

Клиент келді ме?

Сәл күте тұрсын.

Бізде: сән көрсетілімі басталды.

Қызы: Қараңдаршы, бізге бір сәнді көйлек жарасқан.

Қалыспаймыз біздерде әсем модель қыздардан

Қыздар сән үлгісін көрсетеді. (телефон соғылады)

Қызы: - Алло, иә анашым! Жарайды анашым. Қыздар анам келе жатыр,

жиналыңдар тездетіп.

Хош сау болыңдар! (Қашып кетеді)

1 Жүр: Ал енді жұмбаққа кезек берейік.

1 жұм: Түн ұйқысын төрт бөліп

Әлдилеп бізді өсірген

Таңертең бізді тұрғызған

Дәмді етіп берген тамағы

Айтыңдаршы балалар!

Бұл кім жауабы?

Балалар: Біздің аналар.

1 бала: Менің әжем, ақ әжем.

Ертегі айтып бер десем,

Айтып берер тағы әжем.

Шуағы мол нұр әжем.

Ақ таяққа сүйеніп

Аман-есен  жүр әжем.

2 бала: Ертегі қандай көп еді

Күнде айтып береді

Қуанатын балаша

Әжем менің тамаша

Таусылмайды өлеңі

Күнде айтып береді

Барған сайын бір жаққа

Кәмпит алып келеді

Әжем менің өйткені

Өте жақсы көреді.

Ән: «Сағындым әжем, сағындым»

 

1 жүр: Әжелер бізден көңілді, әзіл биді қабыл алыңыздар!

«Бабушки-старужки» әзіл биі (ер балалар) шығады.

Жүр Айбөбек: Ал енді балалар барлық аналарға арнап ағылшын

тиімді тақпақтар мен ән айтып береді.

Жүр Айбөбек: Иә бүгін барлық аналардың мерекесі,

сонымен бірге барлық қыздардың да мерекесі, ал біздің ержігіттер

қыздарды мерекесімен құттықтайды.

 

1 жүр: Достықты біз ойлаймыз

Бірге күліп ойнаймыз

Қыздарды да құттықтап,

Мерекесін тойлаймыз

2 жүр: Келді көктем бүгін

Күлімдейді гүлің

Қызғалдақтай қыздар

Мерекеңіз бүгін.

3 жүр: Наурыз той береке,

Құтты болсын мереке

Ержігіттер қыздарды,

 

Шақырады биге.

Би:  «Вальс»

1 бала: Өмірге бізді өсірген

Жарық дүние сыйлаған

Жамандыққа баласын,

Ешқашан да қимаған

Көрмесін қайғы аналар

Аман болсын аналар

2 бала: Ақ көңілін кірлетпейік.

Анашымыз аман болсын,

Анамызды құрметтейік,

Бейбіт, тыныш заман бллсын.

Сіздер үшін бүгін

Нұр төкті күнім

Бізден қабыл алыңыз,

Алғашқы көктем гүлін.

Ән: «Айдидарлы анашым»

Жүр Айбөбек: Ал енді балалар аналарына арналған сыйлықтарын ұсынады.

Ән: «Мама»


 
«Денсаулық еліне саяхат»
Қосқан Автор   
18.02.16 06:05

«Денсаулық еліне саяхат»

Дайындаған: информатика пәні мұғалімі

Кабиева У.Т

Әдіскер: Правденкова Н.В

Мақсаты: Денсаулық сақтау, витаминдер туралы түсінік беру, тура және кері санауды қайталау,

зейінін тұрақтандыру, ойлау қабілетін дамыту, сөздік қорын байыту, байланыстыра сөйлеуін дамыту,

ұқыптылыққа үйрету т.б.

Көрнекіліктер: Видеопроектор экранымен, компьютер, «Денсаулық бұрышы»

Барысы: Ұйымдастыру. Психологиялық дайындық кезеңі. Сәлемдесу.

Қуанамын мен де

Қуанасың сен де,

Қуанайық достарым!

Арайлап атқан күнге!

Мұғалім: Балалар, жылдың қазір қай мезгілі?

Балалар: Қыс!

Мұғалім: Қыста адамдар денсаулығына көбірек мән береді. Біз бүгінгі сабағымызда

денсалық еліне саяхатқа шығамыз.

Бала: Денсаулық ол – шыныққан

Барлық денең мүшесі.

Денсаулық ол - тыныққан

Жүйке тамыр жүйесі.

Денсаулық ол - күлуің

Көңіл – күйің жадырай,

Денсаулық ол – жүруің,

Ешбір жерің ауырмай.

Мұғалім: Көзіміз ауырмаса, басымыз ауырмаса, құлағымыз ауырмаса, аяғымыз

ауырмаса онда деніміз сау болғаны. Дені сау адам деп ауырмайтын адамдарды айтамыз.

Адамның денсаулығы - қоғам байлығы. Әрбір адам өз денсаулығының мықты

болу жолдарын қарастыру керек. Дені сау адамның көңіл – күйі көтеріңкі болып,

еңбекке әрқашан құлшына кіріседі. Халқымыз «Дені саудың – жаны сау» деп орынды айтқан.

Отанымыздың келешегі, көркеюі, балалар, сіздердің қолдарыңызда. Салауаттылық – саулық

кепілі, ал саулық – байлық негізі.

Мұғалім: Дені сау болу үшін бізге не қажет?

Балалар: Азық-түлік, жеміс-жидектер, көкөністер!

Мұғалім: Олар бізге не үшін қажет? Біздің тағамдар несімен құнды?

Балалар: Дәрумендерімен!

Мұғалім: Қандай дәрумен түрлерін білесіңдер?

Әр тағам өзінің дәрумендерімен бай, ол денсаулыққа және  адам ағзасының

өсуіне ықпалын тигізеді. Қазір «А» дәруменімен танысайық, біз дәрумендерді

көрмеміз, бірақ олар біздің тағамдарымызда бар. Мында қандай тағамдар бар?

(тақтада тағамдардың бейнесі көрсетіледі, балалар тақтаға қарап айтады).

Балалар: Сәбіз, бұрыш, жуа, қызанақ, жұмыртқа, сары май т.б.

Мұғалім: Барлық осы тағамдар «А» дәруменіне бай. Олар сіздің ағзаларыңыздың

өсуіне және көзіңіздің жақсы көруіне қажет. Мына тағамдар «В» дәруменіне бай. Олар?

Балалар: Ет, қара нан, бұршақ, орамжапырақ, банан т.б.

Мұғалім: «В» дәрумені сіздің жақсы ұйықтауыңызға, жыламауларыңа, шаштарыңның

жақсы өсуіне және жүзіңіздің жарқырап тұруына қажет. Ал мына тағамдар «С» дәруменіне

бай, олар?

Балалар: Алма, лимон, сәбіз, қызанақ, картоп т.б.

Мұғалім: «С» дәрумені біздің тісіміздің сау болуына, жарамыз тез жазылуына және

ішкі ағзамыз жақсы жұмыс жасауына керек.

1 бала: Әсем, нәзік көріктімін,
Көктей жеуге болмайды.
Салатқа мені қосқанда
Қияр қасымнан қалмайды.
Қып – қызыл боп пісемін,
Жәшікке лақтырып салмайды.
Жарылып қалам өйткені,
Көтермеймін ондайды.

2 бала: Ылғалды топырақ мекенім,
Сол жерде жақсы өсемін.
Жегенде жақсы тоясың,
Ұраға салып қоясың:
Мен екінші нанмын!

3 бала: Менсіз астың дәмі жоқ,
Күлдіре алмаймын жылайсың.
Ащы болсам да мені
Базардан жиі сұрайсың.
Түшкірсең, пысқырсаң
Мен шипа боламын.

4 бала: Сары, дәмді, ұзынмын,
Жер астында тығылған.
Тартсаң шыға келемін,
Өсіп тұрған бұрымнан.
Күзде қазып аласыз,
Тамаққа да саламыз.
Егер мені көп жесең,
Биік, ұзын боласыз.

5 бала: Мен-алмамын, алмамын

Таңдай татар бал дәмім

Мына тәтті бал-дәмді

Дастарқандарыңа арнадым.

6 бала: Нан қиқымын шашпаңдар,

Жерде жатса, баспаңдар,

Теріп алып, қастерлеп,

Торғайларға тастаңдар.

Мұғалім: Балалар, рахмет, орнымызға жайғасамыз. Бүгін,  Салауат атайдан

электонды хат келді, ашып оқып көрейк. (хатты оқу)

Хат: «Салеметсыздер ме, балалар! Сіздрге Салаут атай хат жазуда. Білемін,

биыл сендер мектепке барасыңдар. Мектепке дені сау және ақылды балалар

керек. Мен сендерге тапсырмалар жибердім, соны орындауларын қажет.

Егер сендер ақылды және дені сау екендеріңді көрсетсеңдер, мен сендерге

мектепке жарамды деген  анықтама қағазын акеліп беремін.»

Ал, балалар, Салауат атайдың тапсырмаларын орындауға

дайынсындар ма? Ендеше тапсырмаларды ашып көрейк.

Сонымен 1-ші тапсырма: Себеттерге тағам түрлерін дәрумен бойынша орналастырамыз.

1-ші себетке «А» дәрумендері бар тағамдарды саламыз. 2-ші себетке «В»  дәрумендер бар

тағамдарды саламыз. 3-ші себетке «С» дәрумендер бар тағамдарды саламыз. Компьютерде орындаңдар.

Мұғалім: Жарайсыңдар, балалар! 1-ші тапсырманы жақсы орындадындар.

Енді 2-ші тапсырманы қараймыз. 2-ші тапсырмада, балалар, есепті шығару.

Мұғалім: Балалар, аздап сергіп алайық. Бәріміз орнымызда отырып,  қол гимнастикасын жасаймыз.

Сәбізді алып тазалаймыз (оң қолды  жұдырыққа түйіп, сол қолдың  алақанына ысқылайды)

Үккішпен үгіп  майдалаймыз ( екі қолды жұдырыққа  түйіп кеудеге ұстап, жоғары-төмен қозғайды)

Қанттан сеуіп дәмдейміз ( саусақтардың  ұшымен қант себеді)

Міне дайын нәр тағам ( екі қолын алдына жайып  көрсетеді).

Дәруменге байыған ( алақанымен іштерін сипалап, тойғандықтарын көрсетеді).

Мұғалім: Жарайсыңдар, енді жалғастырамыз! 3-ші тапсырма: Бос орындарға қажетті әріптерді жазу.

Мұғалім: Тамаша, балалар, бұл тапсырманыда орындадық. Енді 4-ші тапсырманы көрейк. 4-ші тапсырма

сергіту сәті екен. Қане орнымыздан тұрамыз, қимылдарды бірге қайталаймыз.

Шаршаған жоқпыз ба балалар? Ендеше жалғастырамыз. 5-ші тапсырма. Көрші үйлерде қандай

сандар тұрады? Бос орынға жаз.

Мұғалім: Жарайсыңдар! Сандарды да орналастырдық. Енді сонғы, 6-шы тапсырма: 1 санын қосу және

алу арқылы есептерді шығып, жауабын бос орындарға жаз.

Мұғалім: Өте тамаша, жарайсыңдар, балалар! Сендер Салауат атайдың барлық тапсырмаларын дұрыс

орындадыңдар. (Есік қағылады, Салауат атай сыйлығымен ішке кіреді).

Балалар, есік қағылды, міне Салауат атайымызда келді.

Салауат атай: Сәлеметсіңдерме балалар! Байқадым, менің тапсырмаларымның барін орындадығдар,

жарайсыңдар! Енді сендерге және қонақтарға азғантай сыйлығым бар, және  мектепке жарамды деген

анықтама қағазында  беремін. Міне ала қойыңдар.

Мұғалім: Салауат атай, балалар сен жіберген барлық тапсырмаларды тамаша орындады. Балалар,

бүгінгі сабақ сендерге ұнады ма? Қай тапсырма сендерге көбірек ұнады?

Салауат атай: Жарайсыңдар, ал енді менің кетуім керек. Басқада балалар мені күтіп отыр. Сау

болыңдар, ауырмаңдар!

Мұғалім: Енді, Салауат атайды  осы отарбамен басқа балаларға шығарып салайық, сау бол Салауат

атай! Енді қонақтармен де қоштасамыз, сау болыңыздар!

 
Баланы балабақшаға алдын-ала дайындау.
Қосқан zhubanish   
14.01.16 05:25

Баланы балабақшаға алдын-ала дайындау.

Тәрбиешіден топтың күнделікті тәртібін, 1 ай бұрын бейімдеу кезінде сұраңыз және оны үйіңізге еңгізіңіз. Барлық өзіне-өзі қызмет

жасау дағдыларын үйретіңіз (бет, қолдарын жуу, дербес немесе ересек адамдар көмегімен киініп, шешініп, өздігінен тамақтану).

Бейімделу кезеңде (театрға сапарға,қонаққа) эмоционалды – қаныққан оқиғалардың санын азайту жөн. Бейімделу кезеңде баланы

алу кезеңі анасының демалысы болып, немесе өте жақын адам әкеліп, алып кеткені жөн.

Балабақшада бейімдеу біртіндеп болуы тиіс.

Бейімдеуге ең қолайлы уақыт – ол жаздың ортасы. Осы уақытта, баланың имунндық жүйесі әлі әлсіреген жоқ, ол серуенде

балалармен көп уақыт бола алады. Педагогтен қай уақытта, топқа, балалар аз келетінін біліп алып, сол уақытта баланы әкелу.

Педагогтың сондай кезде әр балалаға назар аударуы оңай болады.

Педагогпен бір команда ретінде жұмыс жасаңыз.

Сізден артық, балаңызды ешкім білмейді. Тәрбиешіге балаңыздың ерекшелігі жайында айтып беріңіз. Балаңыздың мінез-құлқында

бір нәрсеге алаңдасаңыз, бұл жағдайдан шығу жолын тәрбиешімен ақылдасыңыз. Тәрбиешінің кеңесін тыңдаңыз. Сіздің

балаңыздың балабақшаға оңай биімделуіне, әр педагогтың көмектесетін өз «құпиясы» бар.

Пайдалы кеңестер, ата-аналар үшін кеңес:

· Үйдің күн тәртібін балабақша күн тәртібімен келтіру қажет.

· Балабақша ас мәзірін ұстау, әр түрлі азық-түлік, күн сайын сорпа, жарма жеп балаңызды үйрету.

· Баланың өмірлік дағдыларын қалыптастыру қажет.

· Балабақшаға баланы тек сау кезінде жіберу, өйткені баланың ауруы балабақшаға бейімделуіне кедергі болады.

· Басқа балалармен, ересектермен қарым-қатынасқа балаңызды дайындаңыз. Балаңызды саябаққа, балалар паркіне,өзіңізбен бірге

қонаққа алып барыңыз. Байқап қараңыз: басқа балалармен өзін қалай ұстайды, тіл табыса ала ма, керісінше ұялшақ, қарапайым,

басқадан алшақ, сөйлемей ма?

· Жақын адамдарымен уақытша айырылысуға баланы дайындау, ол енді үлкен, балабақшаға баруға міндетті екенін үйрету.

· Тәрбиешімен баланы күні бұрын таныстырған дұрыс.

Соңғы өзгертулер 14.01.16 05:31
 
АТА-АНА МЕН БАЛАБАҚШАНЫҢ БАЛА ТӘРБИЕСІНДЕГІ РОЛІ.
Қосқан zhubanish   
14.01.16 05:16

АТА-АНА МЕН БАЛАБАҚШАНЫҢ БАЛА ТӘРБИЕСІНДЕГІ РОЛІ.

Балаларды тәрбиелей отырып, ата-аналар еліміздің болашақ тарихын, демек,

дүниенің де тарихын тәрбиелейді.А.С. Макаренко.

Тәуелсіз еліміздің келешек ұрпақты тәрбиелеу мәселесі бүгінгі күннің өзекті тақырыбы.

Бұл мәселенің шешімін табуда үздіксіз білім беру жүйесі айтарлықтай дәрежеде қайта

қаралып, оны жетілдіру жолдары іздестірілуде. Бұл алға қойылып отырған негізгі

талаптар – Қазақстан білім беру жүйесінің бүкіләлемдік білім беру кеңестігіне толық

енудің алғашқы даму стратегиясын жасау болып табылады. Айтылған талаптардың

жүзеге асырылуы бағытындағы жұмыстың үздіксіз білім берудің алғашқы сатысы –

мектепке дейінгі ұйымдарда баланың білімге деген құштарлығын арттырудан,

ұлтымызға тән қасиеттерін бойына сіңірген бала тәрбиелеуден бастағанның маңызы

зор. Балабақша — бүлдіршіндерді болашақта ата дәстүрін сақтайтын инабатты да,

ибалы үлкен-кішіні сыйлай білуге үйрететін тәрбие орталығы. Өмірге келген жас

ұрпақты тәрбиелеу ата-аналар мен балабақша тәрбиешілерінің қасиетті борышы.

Бала үшін дүниеде ең жетілген, білімді де, мәртебелі адам – оның ата – анасы.

Ал, ең әдемі де жарық үй – оның туылған үйі.

Жас баланың дамуында ата-ананың орыны ерекше, сондықтан ата-ана өз отбасында

қолайсыз жағдайларды баланың көзінше тудырмауға тырысуы қажет. Отбасындағы

ұрыс-керіс баланың жүйкесін тоздырады. Кейбір ата-аналар өз перзентін шектен тыс

еркелетіп, баланың бетінен қақпай, көңіліне қарап тәрбиелейді. Ал мұндай көріністер

баланың бойына кері қасиет пайда болуына тікелей жағдай тууына себеп болады.

Ата-аналар балаға отбасылық өмірдің алуан түрлі, қыры мен сырын дүние жұмбақтарын

танытып, тағылым талғамға, әдептілікке баулуға тиіс. Себебі, ата-ананың күнделікті

өмір тіршілігіндегі еңбегі, адамның бейнелері, жақсы мінез-құлқы, дұрыс қарым-қатынасы

– балаға үлгі. Баланың алдында барынша сабырлы әрі ұстамды болуға тырысу керек,

ата-ана өзі үлгі бола отырып, баласын сабырлылыққа тәрбиелейді. Әрбір ата-ана өз

баласы үшін-басты тұлға. Сондықтанда да кез-келген бала алдымен үлгіні ата-анасынан

алады. Бала әкеден ақыл, анадан мейір алады. Ата-ана баласымен пікірлесуде бейауыз

сөздерді қолданбай, дөрекілікпен жеке басын қорламай, мейірімді, табиғи, жылы ақылды

сөздер айтып өнеге бола білсе, тәрбие де табысқа жетеді, өйткені, жақсы сөз жан

семіртеді.                           Сонымен қатар мектепке дейінгі ұйымның педагогикалық

ұжымы ата-аналармен бірлесіп, баланы өсіріп тәрбиелеудегі басты мақсат қоғамдық

өмірге «түзу кірпіш қалау» екенін ескере отырып, ал осы мақсатты жүзеге асыру үшін,

алдындағы қандай болмасын қиындықтарын жеңу, соған сәби кезінен төмендегі

мынадай көзқарастарды негізгі ұстаныным ретінде қабылдау. Көзқарастар мыналар: Баланы

сәби ол әлі ештеңе білмейді, ұқпайды деп жай көзбен қарамау керек,

өйткені ол да өсіп келе жатқан тұлға. Баланы әр уақытта шындыққа үйрету. Еш

уақытта алдамай, шындықты ашып айтып сол жағдайға дұрыс көзқараспен қарауға

жағдай туғызу.

Баланың өз ісін уақытымен күнде қадағалау, бақылау.

Баланың әр бір ісін қадағалап, оған деген көзқарастан нәтиже шығаруға көмектесу.

Қандай жағдай болса да, ұрпағын жауын мен жел өтінен, жаман әдеттен

қорғап, өз бойындағы ең жақсы қасиеттерін сіңіру, ана уызбен бірге ұлттық дәстүр

қайнарына қондырып өсіру әке мен ананың ұлы борышы. Дені сау, рухы таза, ана

тілін толық меңгерген ұрпақ өсіру қазіргі кездегі ең негізгі мәселе. Бала тәрбиесінде

отбасы басты орын алады. Баланың ана тілін толық меңгеруі . ұлттық-сана сезімін

тәрбиелеу, денсаулығын түзету, бала тәрбиелеудің әдіс-тәсілдерін білу жөніндегі

дағдыларын қалыптастыру мектепке дейінгі мекемелерге берілген. Тәрбиенің сан

алуан келелі мәселесін шешетін, қарапайым дағдыларды бала санасына

орнықтыратын алғашқы білім баспалдағы – балабақша. Балабақшада халық

педагогикасын бала бойына сіңіре отырып имандылыққа, адамгершілікке

тәрбиелейміз. Мектепке дейінгі тәрбие мен оқытудың жалпыға міндетті

мемлекеттік стандартының бес саласының әр бөлімдеріндерінің

ұйымдастырылған оқу іс-әрекеттерінде салт-дәстүрдің барлық түрлерін

баланың бойына сіңірудеміз. Мысалы: тұсау кесу, бесікке салу, тілашар т.б.

Мектепке дейінгі ұйым тәрбиешілер өз тәжірибелерінде халық ауыз

әдебиетінінің ішінен жиі мақал-мәтелдер, жұмбақтар, жаңылтпаштар,

санамақтар, ертегілерді оқу іс-әрекеттерінде пайдаланады. Бүгінгі күнде

жас ұрпақтың сана сезіміне өз елінің, жерінің тарихы мен мәдениеті

туралы алғашқы ұғымдарды кішкентай кезінен қалыптастырамыз.

Баланың өмірге қадам басардағы алғашқы қимыл-әрекеті ойын. Сондықтан

оның мәні ерекше. Қазақ халқының ұлы ойшылы Абай Құнанбаев «Ойын

ойнап, ән салмай өсер бала бола ма?» — деп айтқандай баланың өмірінде

ерекше орын алады. Ойын мектеп жасына дейінгі баланың жеке басының

дамуына ықпал ететін тәрбие құралы. Ойын баланың барлық қабілетінің

дамуына, айналасындағы дүние жайлы түсініктерінің кеңеюіне, тілінің

дамуына, құрбыларымен жақындасуына көмектеседі. Өйткені бала

нәресте шағынан бастап адалдыққа, батылдыққа, мейірімділікке, еңбек

етуге тәрбиелеудің құралы ойын. Осыған орай бүгінгі күндері

тәрбиешілер алдында балаға білім., білім дағдыларын игеріп қана

қоймай, қабылдауын, ойлауын, қиялын, сезімін, ерік-жігерін жан-жақты

етіп дамыту міндеттері тұр. Болашақ қоғамымыздың тағдыры да бала

тәрбиесіне тікелей байланысты. Қоғамды дамытушы да, ілгері апарушы

да осы жас жеткіншектер. Тәрбиенің сан қилы дағдыларын бала

бойына дарытатын алғашқы білім баспалдағы – балабақша, жол сілтеп,

жетелеп, үйретуші — тәрбиеші. Балабақшадағы тәрбие – қазақи ұлттық

сана, ұлттық психология қалыптасқан парасатты, адамгершілік қадір –

қасиеті мол, физикалық және моральдық жоғары белсенді жеке адамды

қалыптастырып шығару процесі болып табылады. Тәрбиелеу мен білім

берудің әрекеті практикалық процесс үстінде қалыптастырылады.

Тәрбиелеу мен оқытудың міндеттері баланың осы іс-әрекет түрлерін

қалыптастыру және оны белгілі бір мақсатқа бағыттап отыруды

көздейді. Ойнау, еңбек ету, және білім алу барысында ақыл-ой,

адамгшершілік, физикалық және көркем тәрбие, даму процесі қатар

жүреді. Бала осы кезде белгілі дәрежеде білім алады, іскерлікке

үйренеді, өзін қоршаған ортамен қарым-қатынас жасауға, қоғамдық

өмірдің әдет дағыларын игеруге бейімделеді.Іс-әрекеттің тап осы

түрлерін ғана дамыту арқылы тәрбиелеу білім беру міндеттерін

шешуге, бала дамуын дұрыс жолмен бағыттап отыруға мүмкіндік

туады. Жақсы ойнап, еңбек ете білетін әрі оқуға қабілетті баланы

ересек адамдар мен балалар қоғамында өмір сүруге қажетті

қасиеттерді толық игерген тәрбиелі бала деп аталуы мүмкін.

Жоғарыда аталып өткен іс-әрекеттің әрқайсысы бала дамуына

өзіндік, өзіне тән үлесін қосады. Мысалы, тәрбиенің ең маңызды

міндеті саналатын ақыл-ой тәрбиесінің өзі бала ойының: еңбегін

және балалардың оқуын үнемі бағыттап отыру арқылы жүзеге

асатыны бізге балаларды тәрбиелеу тәжірибесінен таныс.

Адамгершілікке тәрбиелеу міндеттері жөнінде де осыны айтуға

болады. Бала өзін-өзі көрсете білсе, ендеше ойын, оқу еңбекте

адамгершілікке тәрбиеленеді деген сөз. Өйткені, мұнда олардың

өзара ересек адамдармен қарым-қатынасы қалыптасады.

Іс-әрекеттің әрбір түрінде осылайша өзара ұштасып жататын

педагогикалық мүмкіндіктерді ескере отырып, мектепке дейінгі

ұйымдарда балалардың тіршілік әрекеттерін, тәрбиелік мақсатқа

сай ұйымдастыра аламыз.Ойын, еңбек, оқу арқылы біз балаларға

белгілі бір тұрғыдан ықпал жасай аламыз. Бірақ біз іс-әрекеттер

ойын, еңбек, оқыту өзара ұштасқан жағдайда ғана баланың жеке

басын дамытуда толық нәтижеге жете аламыз. Балабақшаның

негізгі міндеті – баланың жеке басының бастапқы қалыптасуын

қамтамасыз ету. Бұл жас баланың ақыл-ойының дамуы мен

даярлығы үшін қолайлы кезең. Осы кезеңде бала оқу мен тәрбиені

қалыптастыруға, өз қызметін білуге, тілдік қатынастың қарапайым

тәжірибесінде өзін-өзі таныта білуге, мінез-құлық мәдениетіне,

жеке гигиеналық және салауатты өмір салтының негіздеріне

бағдарланады.

Еліміздің ертеңгі болашағы жас ұрпақты азаматық пен имандылыққа

баулу – тәрбиенің басты міндеттерінің бірі. Сонымен қатар ата-

аналар мен мектепке дейінгі ұйымдар ұлттық тәрбиеге де мән

бергендері жөн. Бұл саладағы күш – жігер алдымен бүлдіршіндерді

отандыққа тәрбиелеуге бағытталады. «Отан» деген ұғым балаға

дүние есігін ашқан үйі , ата-анасы, ағайын туыстары, туған жері,

кең – байтақ гүлжазира даласы, тау – тасы, өзен – көлі, сылдырап

аққан мөлдір бұлағы бейнесінде қабылданып, ең қасиетті де

құдіретті алтын бесігі ретінде үйретуге тиіспіз.

Жас ұрпақты кішкентайынан салт-дәстүрлер рухында баулу,

құлағына сіңіру әдет-дағдысына айналдыру – парызды іс. Қазақ

сөз өнерін қатты құрметтеген халық: «Жақсы сөз – жарым ырыс»,

«Жақсы сөз жан семіртер. Сонымен қатар балаға «сіз», «рақмет»,

«кешіріңіз», «өтінемін» деген сияқты сыпайылықты білдіретін

сөздерді үлкендерге айтып жүруге үйрету, оған дағдыландыру

ата-аналар мен тәрбиешілердің міндеті.

Халқымыздың дәстүрінде қол алысып амандасуға ерекше көңіл

бөлген, жас баланы сәби кезінен үлкендермен қол алысып

амандасуғы тәрбиелейді. «Көкеңе қолыңды беріп амандас»,

«Ағаңның қолын ал», «Атаңа екі қолыңды бер» деп үйретеді.

Ондай кезде үлкендер яғни аталар, әжелер «Ой азамат болыпты

ғой!», «Таудай бол!» деп баланың қолын алып, сәлем беруге

ынталандыратын сөздер айтып ынтасын тудырады. Баланы

жастайынан осындай инабаттылыққа баулу, ол есейгенде сыпайы,

әрі жеке тұлға болып қалыптасуына негіз болады.

 

Соңғы өзгертулер 14.01.16 05:24
 
<< Басы < Өткен 1 2 3 4 5 6 7 8 9 10 келесі > Соңғы >>

Бет 7 из 18